Reshjet e dendura të shiut shkaktuan përmbytje në disa pjesë të Serbisë.
Pjesëtarët e Ministrisë së Punëve të Brendshme, për shkak të pasojave të reshjeve, kanë intervenuar në territorin e qytetit të Novi Sadit, komunës së Beoçinit, Sremski Karlovcit, Zrenjaninit, Shabacit, Rumës dhe Valjevës.
Zjarrfikësit dhe ekipet e shpëtimit evakuuan dy persona nga një makinë e përmbytur në rrugën në Novi Sad dhe një person tjetër në Kocelevë, ku disa ndërtesa u përmbytën.
Gjatë stuhisë që goditi Novi Sadin, shumë rrugë u përmbytën.
Nadvožnjak u Temerinskoj #NoviSad 🤯https://t.co/VZ5Evc28kp pic.twitter.com/Ii8bmKJDmn
— Gabrijela (@LesicGabrijela) May 17, 2023
Dy persona kanë mbetur të lënduar gjatë stuhisë, shkruan RTS.
Kishte gjithashtu vërshime në disa pjesë të Vojvodinës.
U përmbytën edhe rrugët në qendër të Kocelevës, si dhe disa amvisëri. Uji rrezikon shkollat dhe kopshtet. U vërshuan rrjedha të vogla ujore. Të gjitha shërbimet kompetente janë në terren.
Instituti Republikan Hidrometeorologjik (RHMZ) paralajmëroi se më 19 maj, niveli i ujit në Savë afër Shabacit do të kalojë kufirin e mbrojtjes së rregullt nga përmbytjet.
