Policia e Kosovës ka bërë apel tek të gjithë shoferët që të kenë kujdes në vozitje, pasi që tashmë ka filluar shfaqja e mjegullës.
Në njoftimin e policisë thuhet se ngasja në mjegull mund të jetë e rrezikshme.
“Mbani në vëzhgim rrugën për ndryshime të papritura të dukshmërisë, mjegulla më e dendur mund të jetë më afër lumenjve. Përdorni dritat e mjegullës”, thuhet në njoftim.
Më tej në njoftim thuhet se mjegulla mund të krijojë një iluzion optik dhe t’i bëjë shoferët të mendojnë se po shkojnë më ngadalë seç janë. /Telegrafi/
