Shumë njerëz në Zvicër po mendojnë të instalojnë njësi kondicionimi në shtëpitë e tyre.
Mund të duket si një çështje mjaft e thjeshtë, por në fakt mund të jetë mjaft komplekse.
Në varësi të ligjeve në kantonin e banimit, mund t’ju duhet të mundoheni para se të merrni një leje zyrtare (ose jo) për të instaluar një njësi fikse kondicionimi në banesat tuaja.
Arsyeja është mjedisore: kondicionerët fiksë janë konsumues të mëdhenj të energjisë, duke konsumuar shumë energji elektrike dhe duke kontribuar në emetimet e gazrave serrë – një kontribut i madh në hollimin e ozonit. (Këto rregullore u miratuan shumë kohë para se çmimet e larta dhe mungesa e energjisë të bëheshin problem).
Çdo kanton ka ligjet e veta të energjisë, me disa që janë më kufizuese se të tjerat kur bëhet fjalë për instalimin e pajisjeve të kondicionimit.
Rregullat e Gjenevës janë ndër më të rreptat në Zvicër
Kur aplikoni për leje për të instaluar një njësi, duhet të provoni se keni nevojë për kontroll të temperaturës në shtëpinë tuaj – për shembull duke paraqitur një certifikatë mjekësore që deklaron se gjendja juaj shëndetësore e kërkon këtë. Të qenit rehat në shtëpinë tuaj nuk është një arsye e vlefshme, për sa i përket zyrtarëve të Gjenevës.
Nuk dihet se sa banorë të Gjenevës shkojnë në masa kaq ekstreme sa të marrin një raport mjekësor, por lehtësimi mund të jetë afër. “Me evolucionin e klimës, ne do ta rimendojmë dhe ripërcaktojmë rehatinë verore”, tha Cédric Petitjean, drejtor i zyrës kantonale të energjisë, përcjell albinfo.ch.
Cyrihu është një tjetër kanton me rregulla të rrepta në lidhje me kondicionerët.
Për të kursyer energji, instalimi i sistemeve konvencionale të ajrit të kondicionuar është përgjithësisht i ndaluar.
Orderesa lokale kërkon që të gjithë aplikantët për autorizim të vërtetojnë se kondicioneri është veçanërisht efikas nga ana e energjisë. Meqenëse nuk ishte ky rasti, qyteti i Zyrihut refuzoi t’i jepte leje një qendre kujdesi për të moshuarit për të përdorur përkohësisht modelin e tyre të vjetër të kondicionerit gjatë një vale të nxehtë në vitin 2018.
Rregullat në disa kantone të tjera janë pak më të buta, duke kërkuar, siç është rasti në Vaud, të mbulohet 50 përqind e konsumit të energjisë elektrike të kondicionerit me burime të rinovueshme të energjisë.
Çfarë duhet të bëni nëse doni të instaloni një njësi kondicioneri në shtëpinë tuaj?
Vizitoni faqen e internetit të zyrës suaj kantonale të energjisë, shikoni se cilat janë kërkesat e tyre specifike dhe plotësoni aplikacionin online për autorizim. Sigurohuni që të mund të paraqisni të gjitha dokumentet dhe provat e kërkuara.
Megjithatë, mbani mend se gjërat janë më të ndërlikuara. Nëse zotëroni një apartament dhe jo një shtëpi me një familje të vetme. Arsyeja është se instalimi i një njësie kondicioneri kërkon shpimin e murit, ndryshimin e fasadës dhe do t’ju duhet leje nga fqinjët tuaj për ta bërë këtë.
Po në lidhje me njësitë e lëvizshme të kondicionerëve?
Mund t’i blini lirisht dhe nuk keni nevojë për leje për t’i përdorur.
Një paradoks i dukshëm është se, ndryshe nga rregullat striktw për njësitë fikse, ato të lëvizshme nuk i nënshtrohen as kontrollit të cilësisë nga kantonet, edhe pse “ato mund të përfaqësojnë ngarkesa të konsiderueshme në rrjetet elektrike”, sipas një raporti nga transmetuesi publik.
