Cikloni nga Italia dhe Deti Adriatik po kalon mespërmes territoreve tona në drejtim të Evropes lindore. Qendra ciklonike orëve të ardhshme do të kalojë përmes Shqipërisë, Maqedonisë së Veriut dhe Kosovës duke kushtëzuar vazhdimin e reshjeve atmosferike të cilat herë pas here do të vazhdojnë të jenë të dendura dhe po ashtu priten ende rrebeshe lokalisht të fuqishme shiu me vetëtima dhe bubullimë.
Nesër cikloni do të jetë larg diku në Ukrainë dhe Rusi dhe për kërë arsye reshjet do të fillojnë të pushojnë, por ende priten rrebeshe lokale dhe reshje lokale në tërë rajonin, ndërsa në viset kodrinore-malore do të fillojnë reshjet e borës, ngase me ikjen e ciklonit në lindje do të fillojnë të depërtojnë masa më të ftohta ajrore nga veriu. Reshje kalimtare bore mund të ketë edhe në disa vise më të ulëta në Kosovë dhe Mal të Zi.
Njëkohësisht në Italinë Veriore nga Atlantiku do të kemi ardhjen e një mase tjetër mjaft të fuqishme jo-stabile dhe pritet krijimi automatik i një cikloni tjetër të fuqishëm. Me ikjen e ciklonit të sotëm dhe ardhjen e ciklonit të ri të martën reshjet do të pushojnë gjatë ditës së hënë për të rifilluar përsëri të martën.
Edhe cikloni i së martës dhe mërkurës do të sjellë reshje të reja të dendura sidomos në Shqipëri./MeteoBallkan