Një banor nga Llapashtica e Epërme e Podujevës, ka treguar se qentë endacakë ia kanë masakruar mbi 100 shpezë.
Ai për Klankosova.tv ka thënë se sulmi ndaj shpezëve të tij ka ndodhur të dielën rreth orës 5 të mëngjesit.
“Merrna që 17 vjet me shpeztari, kultivoj ma shumë qura, pula afrikane, të katunit, të dielën në mëngjes m’i kanë masakru krejt, mbi 100”, ka thënë Burim Havolli, pronari i shpezëve.
Havolli shtoi se për këtë rast do të ankohet në komunë pasi i ka shkaktuar dëme të mëdha.
