Cikloni i cili kalojë edhe përmes rajonit tonë para dy ditëve, tani është stacionuar në Turqi ku po shkakton reshje të dendura bore. Realisht reshjet më të dendura të borës kanë qenë gjatë ditës që lamë pas, por në disa rajone të Turqisë ende po bjen borë e dendur.
Territori turk ndodhet afër Detit të Zi dhe me depërtimin e masave ajrore të ftohta nga veriu krijohen situata jashtëzakonisht të volitshme për reshje të dendura bore. Reshjet e dendura të borës kanë përfshirë edhe Ankaranë, kurse reshjet më të dendura të borës siç edhe ndodhë zakonisht kanë ndodhur në rajonin e Trabzonit por edhe në shumë rajone tjera të Turqisë. Pas forcimit të madh të Anticiklonit Evropian rajoni ynë për momentin do të vazhdojë të jetë ende pa reshje të dendura bore përkundër depërtimit të masave ajrore të ftohta me origjinë polare. Turqia ditëve të ardhshme pritet të goditet nga stuhi të reja dimërore me reshje të reja të dendura bore./Meteoballkan.
