Shtëpi të përmbytura, shoferë të bllokuar, rrugë të kthyera në përrua, rrëshqitje dheu.
Këto ishin disa nga pasojat pasi shira të rrëmbyeshëm dhe stuhi goditën disa zona të Campania-s vonë pasdite dje, veçanërisht provincat Caserta dhe Avellino, shkruajnë mediat italiane, përcjell Telegrafi.
Dëme të konsiderueshme dhe në San Felice a Cancello dy persona rezultojnë të zhdukur, një grua 74-vjeçare dhe djali i saj 42-vjeçar.
🚨🇮🇹 | Flood also in San Felice a Cancello, in the Caserta area ,#Italy #temporale #campania
#flood #alluvione
Keep always informed! https://t.co/BBQLY54NEO pic.twitter.com/f6ZDrAVpaN— Weather monitor (@Weathermonitors) August 27, 2024
Të dy ishin në një Apecar: automjeti me tre rrota u përmbyt nga një “lumë balte dhe mbeturinash” dhe u gjet në një përroskë.
Ndërkohë raportohet se disa shtëpi janë evakuuar.
Dëme të konsiderueshme gjithashtu në Irpinia, veçanërisht në Baiano, Mugnano del Cardinale dhe Sirignano.
Shiu i dendur ka goditur edhe Bolonjën pasdite, me një rrufe në një restorant në Granarolo Emilia, duke bërë që çatia të përfshihet nga flakët.
Moti i keq edhe në zonën e Pizas me pemë të rrëzuara dhe dy zjarre të shkaktuara nga rrufeja. Një stuhi e fuqishme goditi edhe Viterbon.
August 27, 2024
Campania, Italy 🇮🇹 #alluvioni #baiano #campania #Italia #flood2024 #ItalyBad weather has hit Campania. Serious consequences of the rains are seen in Baiano, Mugnano del Cardinale, Sperone and Sirignano, in the province of Avellino, on the border with the… https://t.co/qS6tWh3T4G pic.twitter.com/5gx8aSuivJ
— Weather monitor (@Weathermonitors) August 27, 2024
