Kur ekspozohemi ndaj temperaturave shumë të ulëta organizmi nis të humbë nxehtësi më shumë se sa arrin të prodhojë dhe në këtë moment arrin gjendjen e hipotermisë, një gjendje e karakterizuar nga një temperaturë e organizmit shumë më e ulët se normalja.
Bëhet fjalë për një situatë delikate dhe të rrezikshme për organizmin, pasi në temperatura më të ulëta se normalja truri nuk është në gjendje të funksionojë siç duhet dhe personi humb aftësinë e të menduarit në mënyrë të kthjellët dhe të lëvizë siç duhet. Në këtë mënyrë personi mund të mos jetë i vetëdijshëm për çfarë po ndodh dhe të humbë kështu aftësinë të ndërmarrë veprime (psh. Rasti i ngrirjes në dëborë)
Hipotermia ndodh më shpesh në temperatura shumë të ulëta, por mund të ndodh dhe në një mjedis të freskët (temperatura mbi 4 gradë Celsius) nëse personi laget në shi apo zhytet në ujë të ftohtë.
Ngrirja është një lezion i organizmit i provokuar nga temperatura shumë të ulëta që humb ndjeshmërinë e zonës së prekur, e cila bëhet e zbehtë për shkak të vazokonstrikcionit dhe zvogëlimit të rrjedhjes së gjakut në sipërfaqe. Në pjesën më të madhe të rasteve prek hundën, veshët, faqet, ballin, gishtat e duarve dhe të këmbëve. Ngrirja mund të shkaktojë lezione të përhershme në organizëm.
Hipotermia
Është një gjendje klinike që ka të bëjë me uljen e temperaturës së pacientit nën një vlerë të caktuar. Kur temperatura e trupit bie shumë, metabolizmi nuk arrin të jetë aktiv dhe për të ruajtur veten hyn në një gjendje qetësie, që i lejon të kursejë energjinë. Por nëse nga kjo gjendje nuk dilet Brenda një kohe të caktuar, mund të pasojë vdekja.
Në këtë temperaturë, pacienti pëson ndalim të qarkullimit të gjakut, çka çon në bllokimin e aktivitetit të trurit dhe humbjes së të gjitha shenjave jetësore. Ky proces nis nga “ngrirja” e qelizave që në temperatura të ulëta nuk arrijnë të prodhojnë energjinë e nevojshme për të mbajtur aktivitetin elektrik dhe bllokojnë funksionimin normal të trupit. Fillimisht, për të mbrojtur organet jetësore, fluksi i gjakut përqendrohet në zonën qendrore të trupit dhe reduktohet në ekstremitete. Për pasojë, fillimisht nisin të ftohen gishtat, duart, krahët e me radhë. Për këtë arsye, ne e ndiejmë të ftohtin në këto pjesë të trupit. Në këtë pikë, nëse temperatura nuk kthehet në normalitet, i ftohti arrin zemrën dhe trurin.
Si të shpëtojmë nga hipotermia?
Ndërhyrja urgjente është themelore për shpëtimin e jetës. Megjithatë, ajo duhet të bëhet nga një ekip i specializuar. Në pritje të mbërritjes së urgjencës, ajo çfarë mund të bëjmë është:
-Të spostosh me kujdes pacientin në një vend të sigurt.
-Të përdorësh batanije, veshje, kapele e doreza për ta ngrohur.
-Të shtrihesh pranë tij për t’i dhënë nga nxehtësia e trupit.
-T’i japësh pije dhe ushqim të ngrohtë (nëse janë kushtet).
Çfarë nuk duhet bërë?
Në rastet e hipotermisë, mjekët këshillojnë të shmangen fërkimet e pacientit në zonat ku ndien të ftohtë. Pijet alkoolike nuk ndihmojnë, prandaj duhen shmangur. Nuk duhet futur pacienti në ujë të nxehtë, pasi kjo mund t’i shkaktojë gjendje shoku
