Tani jemi në fillim të valës së fortë tropikale, ndërsa sistemet frontale nga Atlantiku po zhvendosen drejt Evropes qendrore duke kushtëzuar stuhi mjaft të fuqishme ajte.
Nën ndikimin e fortë anticiklonik në territoret tona po mbanë dhe do të mbajë mot stabil dhe shumë i nxehtë deri të premten pasdite kur mund të kemi ardhjen e një sistemi të dobët frontal.
Por, situata paraqitet ndryshe në Slloveni, shumë pjesë të Kroacisë, Hungari disa pjesë të Bosnjës dhe Hercegovinës dhe gjysma veriore e Serbisë. Në këto territore përpos nxehtësisë ekstreme do të ketë depërtime frontale për shkak të afërsisë së tyre gjeografike me Evropen qendrore ku frontet do të jenë dominuese.
Si pasojë parashihen zhvillime shumë të fuqishme konvektive me stuhi mjaft të fuqishme dhe violente shiu e breshëri si dhe shkarkime intensive atmosferike. Fillimisht do të rrezikojë Sllovenia, pastaj Kroacia, Bosnja dhe Serbia. Këto sisteme nuk do të arrijnë në territoret tona duke iu falënderuar anticiklonit stabil që po mbretëron këtu. Mund të ndonjë zhvillim i izoluar në viset kodrinore-malore, ndërsa një sistem i dobësuar mund të vijë të premten pasdite kryesisht në disa rajone të Republikës së Kosovës.
Evropa qendrore do të jetë fushëbetejë mes masave shumë të nxehta ajrore me origjinë nga Afrika veriore dhe masave jo-stabile me origjinë nga Atlantiku ku do të ketë ulje ngritje të shpeshta të tempeturave dhe stuhi shumë të fuqishme, ndërsa territoret tona do të jenë plotësisht në zonën e nxehtë të këtyre masave ajrore, prandaj zhvillimet do të jenë të rralla dhe sporadike./METEOBALLKAN
