Kemi theksuar krijimin e një sistemi të fuqishëm ciklonik që nga Portugalia në jugperëndim e deri në Ukrainë dhe Rusi në lindje përmes Evropes qendrore. Para këtyre masave ajrore ciklonike jemi ne dhe është shumë ngrohtë, ndërsa pas janë rajonet e ftohta ku tani po bie borë.
Bora pritet të fillojë shumë shpejt edhe në Slloveni dhe Kroaci, ndërsa pak më vonë edhe Bosnjë dhe Hercegovinë ngase këto sisteme ajrore përparojnë në drejtim të juglindjes dhe lindjes. Dikur më vonë ajri i ftohtë depërton edhe në Serbi dhe nesër pritet të arrijë deri në Mal të Zi dhe Kosovë, megjithatë deri në arritjen e tij në Republikën e Kosovës ky sistem reshjesh do të dobësohet shumë, prandaj përpos uljes së madhe të temperaturave nuk priten reshje signifikante. Ulja e temperaturave në Kosovë do të jetë e shpejtë dhe e ndjeshme, por reshjet e borës do të jenë të pakta dhe të karakterit lokal, prandaj nga ky sistem që po shkakton reshje shumë të dendura bore në Gjermani dhe pritet të përfshijë Slloveninë, Kosova nuk duhet të pres reshje të dendura bore, por ulje të temperaturave dhe reshje sporadike bore të dielen. Reshje më intensive bore priten vetëm në veri të Malit të Zi dhe aty-këtu në disa vise malore.
Pas depërtimit të frontit të ftohtë të së dieles në fillim të javës së re pritet të kemi acar gjatë orëve të mëngjesit, ndërsa temperaturat ditore më nuk rriten sikur këtë fillim fundjave./MeteoBallkan
