Sonte gjatë orëve të mbrëmjes dhe mesnatës në shumë rajone të Kosovës priten reshje bore por intensiteti i tyre nuk pritet të jetë i madh. Reshjet e borës do të përfshijnë disa rajone dhe jo tërë Kosovën. Mund të themi se do të jenë reshje sa për të kënaqur pak sytë, sepse në intervale të shkurtra mund të ketë edhe reshje të dendura. Megjithatë, reshjet nuk do të zgjasin shumë dhe do të ndërpitën afër mëngjesit të nesërm. Reshje shiu priten lokalisht në Shqipëri sot dhe nesër, posaqërisht në jug dhe veriperëndim të vendit si dhe herë pas here edhe në perëndim të Maqedonisë do të kemi borë por edhe mundësi për riga shiu.
Gjatë periudhës së ardhshme në Mesdhe do të depërtojnë masa të fuqishme jostabile ajrore nga veriu i kontinentit ku do të krijohen ciklone të fuqishme dhe të njëpasnjëshme të cilat do të sjellin reshje atmosferike në rajon. Fillimisht ne do të gjendemi në sektorin e nxehtë gjegjësisht nën ndikimin e rrymave jugore dhe të nxehta ku priten edhe reshje të herëpashershme shiu por edhe intervale të gjata kohore pa reshje, por vetëm me vranësira dhe erëra jugore. Në këtë mënyrë në shumë rajone sidomos nëpër ultësira do të kemi shkrirjen e borës. Pas mbizotërimit disaditor të rrymimeve ajrore jugore pas disa ditëve do të kemi kthimin e rrymimeve ajrore veriore të cilat do të na sjellin reshje të reja bore por për këtë duhet pritur se si do të zhvillohen ngjarjet. Në rajonin tonë pra Shqipëri, Kosovë dhe Maqedoni nuk priten reshje të dendura fillimisht përpos në disa rajone të Shqipërisë, kurse pas disa ditëve të gjitha opcionet janë të hapura dhe ne do tju njoftojmë me kohë./Meteoballkan
