Nëse sonte mundeni të siguroni një pamje të mirë nga qielli nga ballkoni apo nga kopshti i shtëpisë, keni mundësi ta shihni Superhënën.
Superhëna është fenomeni kur kombinohet pamja e hënës së plotë me distancën e saj më të afërt me Tokën, si rezultat i orbitës eliptike.
Rezultati është që Hëna paraqitet shumë më e madh se zakonisht nga Toka. Sonte është nata kur Hëna duket më e madhja dhe më e shndëritshmja gjatë tërë vitit 2020.
Do të jetë e dukshme nga dy anët, si nga hemisfera veriore po ashtu edhe nga ajo jugore – kuptohet nëse kushtet klimatike në Tokë nuk e zënë pamjen në qiell, shkruan MeteoBallkan.
Sonte Hëna do të shfaqet 17 për qind më e madhe dhe 30 për qind më e shndëritshme se zakonisht, ka thënë shkencëtari i NASA-s Noah Petro, i cili po inkurajon njerëzit që të dalin dhe ta shohin Hënën, por duke ruajtur dhe respektuar masat e sigurisë që janë ndërmarrë për t’u mbrojtur nga koronavirusi.
“E di se shumë njerëz tani kanë liri të kufizuar dhe s’mund të dalin jashtë, por është një natë e kthjellët dhe keni pamje të mrekullueshme nga jugu. E keni mundësinë ta shihni një pamje të mrekullueshme në qiell”, ka thënë ai.
Ai ka thënë se Hëna nuk përshkon orbitë perfekte rreth tokës. Sipas Petros, Hëna përshkon orbitë eliptike, që do të thotë se nganjëherë është më afër Tokës e nganjëherë më largë.
“S’keni nevojë të keni alamet pajisjesh për ta parë Hënën sot. Me një kamerë telefoni mund të nxjerrni fotografi të bukura”, ka thënë ai. /MeteoBallkan/
Burimi: Biggest and brightest ‘supermoon’ of the year to rise tonight
