Në tërë rajonin tonë sot po mban mot i ndryshueshëm por stabil. Ndryshimin po e sjellë mjegulla dhe vranësirat në shumë rajone e në anën tjetër në shumë rajone tjera ka edhe rreze diellore sidomos në viset kodrinore-malore ku është më nxehtë se në shumë ultësira.
Kjo vjen si pasojë e dominimit të plotë anticiklonik dhe inversionit të ajrit dhe temperaturave ku ajri i ftohtë bie poshtë dhe kondensohet.
Nga e premta e sidomos nga fundjava pritet ndryshim i situatës sinoptike dhe do të kemi edhe reshje të dendura shiu në tërë rajonin reshje këto jashtëzakonisht të mirëseardhura, kurse nga java tjetër do të fillojnë të fryjnë erëra veriore dhe në këtë mënyrë “mbretërimi i jugut fillon të përfundojë”. Priten edhe ulje të temperaturave dhe reshje të herëpashershme bore sidomos në viset kodrinore-malore./Meteoballkan
