Atmosfera është aktivizuar sot pasdite dhe në këto çaste në shumë pjesë të Gadishullit Ballkanik (viset kontinentale) si pasojë e depërtimit të një mase ajrore mjaft jo-stabile. Duke filluar nga Sllovenia, Kroacia. Bosnja dhe Hercegovina dhe Serbia, të gjitha këto shtete sot u përfshin ose pritet të përfshihen nga stuhi të fuqishme lokale me vetëtima, bubullimë dhe breshër.
Në Kosovë u krijuan disa stuhi më herët por ato ishin shumë të lokalizuara dhe ishin të koncentruara kryesisht në viset kodrinore-malore në verilindje dhe lindje të vendit, lokalisht edhe ndonjë rajon tjetër. Më së shumti nga këto stuhi pritet të pësojnë Sllovenia, Kroacia, Bosnja dhe Serbia.
Përndryshe edhe në Kosovë nesër pritet të kemi mot jo-stabil me stuhi të lokalizuara shiu me vetëtima, bubullimë dhe mundësi edhe për breshër, por stuhitë nuk pritet të jenë të fuqishme sikur në vendet fqinje, megjithatë rekomandohet për kujdes të shtuar në shumë rajone.
Informacione më të gjëra në mbrëmje vonë./Meteoballkan