Britania e Madhe njihet për klimë ekstreme por të butë për shkak të depërtimit të cikloneve të fuqishme nga Atlantiku të cilat kushtëzojnë stuhi të fuqishme me reshje dhe erëra uraganike. Dimrat janë gjithnjë e më të butë në Britani por kësaj radhe për shkak të gjendjes sinoptike apo bllokut anticiklonik në Atlantik, masat ajrore nga lindja të pasura me ajrin e ftohtë kontinental nga Siberia do të depërtojnë në Britani duke kushtëzuar dimër të vërtetë dhe reshje bore edhe në Londër.
Reshje të fuqishme bore priten në shumë pjesë të Britanisë së Madhe sidomos në Skoci ku trashësia e borës do të arrijë deri në 1 metër në viset kodrinore malore të vendit. Reshjet më pakta të borës priten në Irlandë dhe jugperëndim të Anglisë. Normalisht duke pas para sysh territorin e Britanisë së Madhe rajone të tëra mund të mbesin pa reshje bore, por shumica e Britanisë pritet të zbardhet gjatë javëve të ardhshme.
Në kryeqendrën britanike dhe botërore Londër priten deri 10 cm, trashësi bore, vende-vende edhe më shumë, por në ndonjë pjesë të Londrës më pak. Londra njihet për klimë të butë dhe rrallë depërtojnë rrebeshet e borës, por kjo është një rast unik për entuziastët e borës dhe dimrit të ashpër në kryeqendrën britanike.
Përpos Londrës reshje, vende-vende të dendura bore priten edhe në Holandë, Belgjikë, Danimarkë, shumë pjesë të Gjermanisë etj./Meteoballkan
