I tërë rajoni ynë pritet të përfshihet nga i ftohti polar i cili mund të jetë më i fuqishmi gjatë këtij dimri. Temperaturat pritet të shënojnë “minuse” të thella sidomos ato minimalet, madje edhe në viset mesdhetare priten temperatura minimale nën 0 gradë Celsius.
Viset kontinentale që nga Kosova, gjysma lindore e Shqipërisë dhe Maqedonia Veriore priten të përjetojnë disa netë shumë të ftohta me acar të fortë polar. Edhe temperaturat maksimale nuk pritet të dalin në “plus” për të paktën 3 ose 4 ditë më radhë në shumicën e viseve tona kontinentale.
Nëse zmadhoni pak fotografinë kryesore mund të vëreni përafërsisht temperaturat më të ulëta minimale të cilat priten gjatë javë së re dhe mund të pajiseni me informacion orientues për acarin që pritet. Kjo masë ajrore me origjinë polare është krejtësisht normale ngase gjendemi në mes të stinës së dimrit.
Temperaturat më ekstreme të ulëta priten në disa vise malore të rajonin ku mund të ulen deri në -20 gradë Celsius, madje edhe më shumë, ndërsa nëpër ultësirat kontinentale ato mund të ulen afërsisht nga – 9 deri në -15 gradë Celsius. pra fjala është për temperaturat më të ulëta të mundshshme gjatë mëngjeseve të hershme të dy ose tri ditëve të fillimit ose mesit të jatëv tjetër. Përndryshe nga sonte dhe nesër fillojnë të depërtojnë masat e ftohta polare në rajonin tonë duke na sjellë herë pas here edhe reshje bore në viset kontientale
Informatat dhe gjendja sinoptike evoluon vazhdimisht dhe nëse ka ndonjë ndryshim evnetual në parashikim do tju njoftojmë me postime të përditshme. Ndryshime substanciale nuk mund të ketë ngase tani i ftohti polar është më se i sigurtë, por mund të ketë ndryshime në disa nuanca./MeteoBallkan