Pas kalimit të ciklonit Filomena kemi ulje të lehta të temperatuave në Kosovë dhe rajon, por ende mbetet relativisht ftohtë, ndërsa në Kosovë kemi fjolla sporadike bore, në Shqipëri dhe Maqedoninë Veriore kemi reshje lokale shiu të intensitetit kryesisht të dobët.
Temperaturat kanë filluar të rikuperohen në Britaninë e Madhe dhe Iberi, ndërsa në rajonin tonë do të pësojnë ulje graduale. Do të kemi edhe periudha me reshje bore gjatë javës, ndërsa ulja e theksuar e temperaturave pritet afër fundjavës ku temperaturat mund të ulën nën -10 gradë Celsius, ndërsa në viset malore ato mund të ulën deri në -15 gradë Celsius sipas ecurive më të fundit sinoptike. Ende do të ketë ndryshime të vogla sa i përket goditjes siberike të fundjavës dhe ne do të jemi duke e përcjellur evoluimin e gjendjes sinoptike dhe ju lajmërojmë në kohën e duhur./Meteoballkan
