Të shtunën në territorin e Republikës së Kosovës do të kemi kulminacionin e nxehtësisë apo masave ajrore të ngrohta me origjinë dirkt nga Afrika veriore. Ky kombinim i masave të ngrohta ajrore, rrymimeve të fuqishme ajrore nga jug e jugperëndimi dhe ndikimi anticiklonik, para fronti të fuqishëm të ftohtë ajror që vjen në fillim të javës së re mund të shkaktojë procese të bujshme atmosferike.
Fillimisht do të kemi fuqizimin e erërave jugore, juglindore e jugperëndimore, pastaj erërat jugperëndimore e perëndimore dhe në fund vijnë erërat veriore të ftohta me ulje të fuqishme të temperaturave ku ka mundësi të kemi edhe fjolla bore. Reshje bore priten në viset kodrinore-malore, por fjolla bore priten edhe në disa zona të ulëta të Kosovës, Maqedonisë së Veriut dhe Shqipërisë lindore.
Por, fillimisht e kemi ditën e shtunën jashtëzakonisht të ngrohtë për këtë periudhë kohore, pastaj destabilizimine motit të dielen me rrebeshe lokale shiu me vetëtima dhe bubullimë dhe me ulje të lehta të temperaturave dhe në fund të Hënën frontin e fuqishëm të ftohtë ajror me reshje shiu e ulje të ndjeshme të temperaturave. Reshjet e shiut në disa vende do të shdërrohen në reshje bore, por nuk priten reshje të mëdha bore sepse menjëherë pas frontit të ftohtë do të kemi fuqizimin masiv të anticiklonit i cili nuk do të “lejojë” vazhdimin e reshjeve.
Pas frontit të ftohtë të Hënën do të depërtojnë masa mjaft të ftohta ajrore me origjinë polare dhe priten temperatura mjaft të ulëta gjatë natës dhe mëngjeseve me mundësi që ato të bien deri në -5 apo -6 gradë Celsius, ndërsa në viset e larta malore deri në -10 gradë Celsius. Edhe maksimalet do të bien dukshëm, por pasi që jemi në muajin Mars ato nuk pritet të mbesin në “minus” gjatë dites.
Informacione të reja në postimet tona të ardhshme./MeteoBallkan
