Më në fund kemi masa të ftohta ajrore në Kosovë dhe ndjesia subjektive e të ftohti polar sonte është mjaft e theksuar në disa rajone për shkak të erërave mjaft të ftohta nga verilindja.
Edhe pse temperatura reale në rajonin e Prishtinës dhe në veri të Kosovës është rreth – 1, – 2 gradë Celsius, ndjesia subjektive është -8 gradë Celsius, pra ndjehet sikur është afërsisht -8 gradë Celsius, apo siç quhet në gjuhen angleze “windchill”.
Në rajonet kodrinore-malore sigurisht se ndjesia e të ftohtit është edhe më e lartë sidomos në veri të vendit.
Pas gati dy muajve të stinës së dimrit me temperatura pothuajse pranverore tani kemi temperatura normale për këtë periudhë kohore, ndërsa reshjet e borës ende janë mjaft të pakta dhe sporadike.
Gjatë dy ditëve të ardhshme priten reshje lokale, të herëpashershme bore dhe shtresa simbolike në disa vise, por larg jemi atyre reshjeve të borës që jemi mësuar nganjëherë ti shohim në vendin tonë gjatë stinës së dimrit.
Sa për ilustrim të theksojmë se gjatë këstij dimri shumë më shumë borë ka ra në Algjeri shtet në Afriken Veriore se sa në Kosovë, megjithatë ende jemi në gjysmën e dimrit dhe natyra ke metodat e veta për balancim./MeteoBallkan
