Pas valës së parë mjaft të ngrohtë ajrore në territoret tona sot kemi ulje të temperaturave dhe largim të përkohshëm të masave ajrore të nxehta me origjinë nga Afrika Veriore. Siç po shihet pikërisht në territoret tona gendet kufiri mes ajrit të nxehtë që po tërhiqet thellë në juglindje të Evropës dhe ajrit të freskët që po vjen nga veriperëndimi.
Temperaturat kthehen rreth vlerave mesatare për fillim të muajit Maj. Gjatë muajit Prill kishim temperatura thellë nën vlerat mesatare.. Vetëm krejt në fund të Prillit temperaturat shkuan mbi vlera mesatare. Maji fillojë me temperatura mjaft të larta, mbi vlera mesatare, ndërsa ditëve të ardhshme temperaturat pritet të jenë rreth vlerave mesatare për fillim të muajit Maj, pra ajo maksimalja në Kosovë rreth 18 – 22 gradë Celsius varësisht nga rajonin në rajon./Meteoballkan
