Pas depërtimit të ajrit të ftohtë Arktik dhe reshjeve të borës në rajon tani kemi depërtimin gradual të masave ajrore anticiklonike të cilat mund të kushtëzojnë kthjellime të motit.
Për arsye se sasia e ajrit të ftohtë arktik është e madhe në kombinim me kthjellimin e motit gjatë natës acari mund të jetë i fortë në disa rajone, megjithatë kthjellimi pritet të jetë i pjesërishëm dhe është e pamundur ta dimë me siguri se cilat rajone do të ketë vranësira e në cilat jo. Në ato rajone ku kthjellohet moti temperaturat mund të ulën deri në -4 ose – 6°C në vise të ulëta dhe të mesme, ndërsa në viset e larta malore temperatura minimale mund të shkojë deri në – 9°C, madje në ndonjë rajon mund të ulet edhe më shumë.
Në Ballkan në përgjithësi në malet e Bosnës dhe të Malit të Zi acari mund të shkojë deri në -16°C.
Të shpresojmë që moti të mos kthjellohet fare gjatë natës dhe mëngjesit dhe në këtë mënyrë acari mund të jetë shumë më i butë dhe kjo ka gjasa të ndodhë.
Edhe nata mes së ejtes dhe së premtës rrezikon me acar të fortë, ndërsa nata mes së premtës dhe së shtunës acari pritet të jetë më i butë.
Nga e diela sipas të gjitha gjasave pa rrezik për acar./Meteoballkan
