Siç shihet nga imazhet kompjuterike masa të akullta ajrore po mbretërojnë në Rusi, Evropën veriore, ndërsa pak më “butë” është në Evropen qendrore dhe lindore. Në viset tjera është më ngrohtë.
Në rajonin tonë nuk është shumë ftohtë, por inversioni i temperaturave po kushtëzon mot më të ftohtë nëpër ultësira për shkak të bllokimit të ajrit të ftohtë afër sipërfaqes së tokës dhe kondensimi që ka krijuar shtresa të vranësirave të ulëta. Sigurisht se në viset kodrinore-malore sot është më nxehtë se në viset e ulëta në Kosovë.
Edhe ditëve të ardhshme atmosfera nuk pritet të jetë dinamike. Do të vazhdojmë të jemi nën ndikimin e masave ajrore anticiklonike të cilat po kushtëzojnë mot me alternime mes vranësirave, intervaleve kohore me diell mjegullës dhe ngricave të dobëta. Në disa rajone ku nuk ekziston fenomeni i inversionit të temperaturave moti do të jetë mjaft i këndshëm.
Në foto mund të shihni temperaturat sot në tërë Kontinentin./Meteoballkan
FOTO : Meteociel
