Një tërmet me magnitude prej 5.1 shkallësh ka goditur më herët kryeqendrën greke Athinën duke shkaktuar panik tek banorët të cilët lëshuan ndërtesat duke i mbushur rrugët.
“Tërmeti ishte i fuqishëm por fatmirësisht nuk zgjati shumë” tha një dëshmitar i cituar nga Qendra Evropiane për Monitorimin e Tërmeteve.
Tërmeti kishte fuqi prej 5.1 shkallësh të Rihterit sipas Institutit të Gjeodinamikës në Athinë, duke sqaruar raportet preliminare të cilat kishin thënë se tërmeti ishte me magnitudë prej 5.3 shkallë.
Deri më tani nuk ka raporte për dëme materiale ose lëndime në njerëz, por dëshmitarët kanë treguar se njerëzit janë tubuar të frikësuar nëpër rrugë pas dridhjeve të tokës të cilat u regjistruan edhe “live” nga studio të ndryshme televizive./Meteoballkan