Një valë nxehtësie po zhvillohet në pjesë të Evropes duke iu falënderuar gjendjes sinoptike e cila favorizon ardhjen e masave mjaft të nxehta ajrore me origjinë nga Afrika veriore drejt shumë pjesëve të Kontinentit të vjetër.
Cikloni i fuqishëm në Atlantik afër Azoreve po shakton reshje të fuqishme në Portugali dhe Spanjen perëndimore e në anën tjetër po mundëson rrymime të forta, të nxehta ajrore drejt Spanjes jugore dhe pjesë të Frances dhe Evropes qendrore. Edhe pse jemi në gjysmën e dytë të Tetorit temperaturat në jug të Spanjes po afrohen afër 35 gradë Celsius, ndërsa në jug të Frances afër 30 gradë Celsius. Në shumë pjesë të Evropes qendrore mbi 25 gradë Celsius, ndërsa kjo masë e ngrohtë ajrore pritet të vije edhe në Ballkan dhe Kosovë.
Në Ballkan gjatë fillimit të javës së re temperaturat mund të shkojnë deri në 27 – 28 gradë Celsius, ndërsa specifikisht në Kosovë rreth 25 gradë Celsius që është paksa ekstreme për muajin Tetor e sidomos për gjysmën e dytë të këtij muaji.
Para ardhjes së kësaj mase të nxehtë ajrore do të kemi ulje të temperaturave si pasojë e një mase të fuqishme të ftohtë ajrore që po përfshinë Evropen lindore, por kjo masë e ftohtë ajrore do të largohet shpejt duke filluar nga e premta kur pritet të kemi rritje progresive të temperaturave.
Informacione tjera ditëve në vazhdim./MeteoBallkan
