Një ngjarje e rëndë është regjistruar këtë të shtunë, ku një grua është mbytur në lumin Vjosa pasi rrjedha e ujit e ka marrë me vete.
Ngjarja ka ndodhur në fshatin Dragot në Tepelenë, raporton policia, e cila shton se dy gratë kanë qenë duke kaluar lumin, por në një moment rryma i ka tërhequr. Si pasojë, njëra prej dy grave është mbytur ndërsa tjetra ka shpëtuar.
Informacion paraprak
Në lumin Vjosë, pranë fshatit Dragot, bashkia Tepelenë, shtetaset E.B. dhe S.Sh. të dyja banuese në Këlcyrë, duke kaluar lumin, i ka rrëmbyer rrjedha e ujit.
Për pasojë shtetasja E.B. ka ndërruar jetë ndërsa shtetasja S.Sh. është transportuar për në spitalin Rajonal Gjirokastër.