Sot moti mbi rajonin tonë duket edhe nga sateliti se është kryesisht i kthjellët, me vranësira të pakta lokale.
Moti është stabilizuar dukshëm për shkak të ardhjes së mases stabile anticiklonike, ndërsa një front të ftohtë ajror pritet të kemi të premtën pasdite. Sot e sidomos nesër do të kemi rritje të përkohshme të temperaturave dhe shumë rreze diellore, ndërsa temperaturat ulen përsëri të premtën pasdite dhe të shtunën për tu rritur nga e diela.
Fronti i së premtës pritet të shkaktojë destabilizim të atmosferës, duke kushtëzuar rrebeshe lokale shiu me vetëtima, bubullimë dhe në ndonjë rajon edhe mundësi për breshër. Të shtunën moti do të ketë tendencë stabilizimi të menjëherëshëm, por mbetet freskët dhe me mundësi për ndonjë rigë afatshkurtër shiu.
Nga e diela na pret mot kryesisht stabil, me diell dhe i nxehtë. Temperaturat do të shënojnë rritje deri në 30 gradë Celsius, ndërsa gjatë javes së re temperatura maksimale fare lehtë mund të arrijë deri në 36 gradë Celsius në Kosovë e 39 gradë Celsius në rajon./MeteoBallkan