Pas depërtimit të frontit të ftohtë nga veriu ka pasuar ulja e temperaturave dhe përpos reshjeve të shiu tani ka edhe reshje bore në shumë pjesë të Republikës së Kosovës. Bora ka filluar edhe në kryeqytet dhe disa qyteza të Kosovës.
Ajri i ftohtë polar do të qëndrojë nesër në Kosovë gjatë ditës dhe mëngjesin e së hënës. Herë pas here priten reshje bore, por në viset më të ulëta edhe riga shiu dhe shqote.
Nga e hëna deri të mërkurën përmirësim i motit dhe stabilizim afatshkurtër, ndërsa të mërkurën sipas të gjitha gjasave na pret një front shumë më i fuqishëm me reshje të dendura bore në Kosovë.
Prilli po vazhdon të na befasojë me goditjet e vonshme dimërore./Meteoballkan