Uragani Leslie po përparon me shpejtësi në të gjithë Atlantikun lindor drejt Spanjës dhe Portugalisë, ku, sipas parashikimeve, ai do të mbërrijë të shtunën dhe të dielën, njofton MeteoBallkan.
Leslie ndodhet rreth 400 kilometra në jug të Ishujve Azor në Portugali. Leslie, një stuhi e kategorisë së parë, sjell erërat që fryjnë me shpejtësi rreth 185 kilometra në orë, njoftoi Qendra Kombëtare e Uraganit në Shtetet e Bashkuara.
Qendra ka paralajmëruar Portugalinë dhe Spanjën për të monitoruar lëvizjen e stuhisë Leslie.
Paralajmërimi për stuhinë tropikale u lëshua të premten në ishullin portugez të Madeira dhe kalimi i stuhisë pritet në anën veriore të ishullit gjatë të shtunës, pas së cilës lëvizja vazhdon në jug-perëndim të Gadishullit Iberik të dielën dhe në brendësi të gadishullit të dielën në mbrëmje.
Siç pritej, Leslie do të godasë disa zona të Portugalisë dhe Spanjës me erëra të fuqishme. /MeteoBallkan