Sot në tërë Kosovën po mban mot i vranët, kurse në shumë rajone kemi edhe reshje bore. Reshjet e borës do të vazhdojnë gjatë tërë ditës dhe do të jenë lokale dhe të herëpashershme. Reshjet mund të jenë të dendura në disa momente apo intervale kohore. Reshjet do të vazhdojnë edhe gjatë mbrëmjes dhe natës së ardhshme dhe nesër gjithashtu, por nga nesër reshjet e borës do të jenë me të dobëta. Sot gjatë ditës pritet të fillojnë erëra mesatarisht të fuqishme veriore të cilat do të shkaktojnë ulje të theksuar të temperaturave. Kjo ulje e ndjeshme e temperaturave do të ndjehet posaqërisht nesër ku na pret një ditë e akullt.
Natën mes të martës dhe të mërkurën na presin reshje të reja bore, por kësaj radhe më serioze. Në tërë Kosovën priten reshje të dendura bore të cilat do të vazhdojnë edhe ditën e mërkurë, kur edhe pritet akumulimi i parë serioz i borës në shumicën e territorit të Republikës së Kosovës. Reshje të dendura bore priten edhe në Maqedoni të mërkurën, kurse reshjet më të dendura do të jenë në Shqipërinë veriore, lindore dhe juglindore, disa pjesë të qendrës etj. Reshje bore do të ketë fillimisht edhe në shumë rajone bregdetare por të cilat eventualisht shpejt do të kalonin në reshje shiu.
Ju urojmë një të diele të këndshme./Meteoballkan.
