Temperatura rekorde u regjistruan këto ditë në Skandinavi, Zvicër dhe Mbretërinë e Bashkuar.
Zinxhiri i supermarketeve “K” në Finlandë, Helsinki, në rrethin e veriut të Hagës, i ka ftuar 100 konsumatorë të flenë në dyqanet e tyre me kondicionerë.
Temperatura mesatare në Finlandë në gusht është 19 gradë, kështu që shumë pak njerëz kanë kondicionerë në shtëpitë e tyre dhe këto ditë temperatura arrin 30 gradë.
Në Suedi, është në fuqi një paralamërim për rrezikun e lartë të shpërthimit të zjarreve nëpër pyje për shkak të temperaturave të larta gjatë fundjavës së ardhshme.
Korriku ishte muaji me temperatura të larta rekorde në Suedi ku, së bashku me Poloninë, në të dy anët e Detit Baltik, notimi është i ndaluar për shkak të shfaqjes së algave toksike.
Në Zvicër, hekurudhat regjistruan një numër në rritje të udhëtarëve, pasi banorët kërkonin shpëtim nga nxehtësia në Alpe. Për shkak të temperaturave të larta në këtë vend, ushtarët lejohen të veshin pantallona të shkurtra dhe këmisha me mëngë të shkurtra në vend të uniformave.
Shërbimi britanik i motit tha se ky vit ishte i treti më i nxehtë në 100 vitet e fundit, dhe temperatura është ende e lartë, kështu që në jug të Britanisë sot temperatura arriti 30 gradë. /MeteoBallkan
