Reshje të dendura bore pati mbrëmë dhe sot në shumë vise kontinetale të rajonit tonë, ndërsa tani kemi lokalizim të reshjeve. Reshjet do rikthehen përsëri herë pas here në formë të dëbores dhe temperaturat do të vazhdojnë të ulen.
Temperaturat maksimale ditëve të ardhshme pritet të luhaten nga 1 deri në 4 gradë Celsius, ndërsa ato minimale nga 0 deri në -6 gradë Celsius. Në pjesën e dytë të javës së re pritet një fluks i ri i ajrit të akullt ruso/siberik, përmes Ukraines dhe Detit të Zi ku pritet të jetë bërthama e acarit të fuqishëm polar. Reshjet e borës do të vazhdojnë herë pas here dhe do të jenë të karakterit lokal dhe kalimtar, por duke shtuar trashësinë e borës në shumë rajone sidomos në viset kodrinore-malore.
Ditët dhe netët më të ftohta pritet të jenë nga e enjta deri të Shtunë ku temperatura minimale mund të ulet nga -6 deri në -11 gradë Celsius, në viset malore edhe më ftohtë, ndërsa ajo maksimale mund të arrijë deri në 0 ose 1 gradë Celsius. Gjithnjë flasim për viset tona kontientale.
Të martën dhe ditëve në vijim reshjet e bores mund të paraqiten edhe në disa vise mesdhetare të Shqipërisë në formë të rrebesheve të borës që nuk zgjasin shumë.
Bazuar në ecuritë aktuale sinoptike përmirësim të motit dhe rritje të temperaturave ditore pritet të kemi nga e diela./MeteoBallkan
