Rajoni është përfshirë nga reshje të reja të dendura shiu të cilat kësaj radhe kanë ardhur nga lindja e Kontinentit. Në lindje të Evropës gjendet edhe qendra ciklonike në shtresat e larta të atmosferës. Ky ciklon do të ndikojë në kushtet sinoptike në rajonin tonë edhe disa ditë me radhe duke kushtëzuar reshje të shpeshta shiu si dhe shtrëngata me vetëtima dhe bubullimë.
Natën e kaluar dhe ditën e sotme një sistem reshjesh të dendura atmosferike nga Rumania ka kaluar përmes Serbisë dhe tani gjendet në Bosnjë dhe Hercegovinë ku ka reshje dhe rrebeshe të dendura dhe të shpeshta shiu. Reshjet e pandërprera të shiu kanë shkaktuar edhe vërshime lokale ku në disa rajone po shqyrtohet edhe mundësia e shpalljes së gjendjes emergjente.
