Pas një mëngjesi shumë të ftohtë ku temperaturat ishin ulur deri në -11 gradë Celsius nëpër disa rajone të ulëta në Kosovë dhe -15 ishte nëdisa vise kodrinore-malore, gjatë ditës sot temperaturat pësuan ngritje të ndjeshme dhe gjithashtu ende kemi rreze diellore.
Ditëve të ardhshme priten që masa të nxehta ajrore të depërtojnë në drejtim të rajonit tonë dhe për këtë arsye pritet të kemi ngritje të ndjeshme të temperaturave minimale, kurse temperaturat ditore nuk pritet të shënojnë ndryshime të mëdha.
Ditëve të ardhshme gjithashtu do të kemi edhe depërtimin e masave të lagështa ajrore nga Mesdheu duke kushtëzuar edhe reshje të herëpashershme shiu. Reshje bore do të ketë vetëm në viset më të larta malore.
Detaje tjera në postimet tona të ardhshme./Meteoballkan
