Cikloni i cili po shtrihet që nga jugu i Italisë, nëpërmes jugut të Shqipërisë po përparon në drejtim të tokës ballkanike duke kushtëzuar reshje të dendura shiu dhe bore në viset kodrinore-malore. Reshjet e dendura të shiut nga jugu i Shqipërisë do të depërtojnë edhe në Maqedoninë Veriore dhe Kosovë orëve të ardhshme. Në viset kodrinore-malore do të ketë reshje të dendura bore, kurse gjatë natës dhe mëngjesit të nesërm reshje dekorative bore mund të ketë në disa ultësira të Republikës së Kosovës.
Mot i paqëndrueshëm do të mbajë edhe ditëve të ardhshme sidomos në viset kontinentale të rajonit ku ende priten reshje të herëpashershme shiu dhe bore por të intensitetit më të dobët./Meteoballkan
