Nga nesër mbi rajonin tonë do të fillojnë të depërtojnë masa mjaft të ngrohta ajrore duke pasur parasysh se jemi në mes të dimrit, këto masa mund të konsiderohen si ekstremisht të ngrohta. Këto masa të ngrohta ajrore na vijnë nga Mesdheu dhe Afrika Veriore. Gjithashtu do të jemi nën ndikimin e masave kryesisht të thata anticiklonike dhe për këtë arsye nuk priten reshje atmosferike, megjithatë nuk përjashtohen rigat pakta të shiut në disa rajone.
Pra, pas një përkqeqësimi të motit dhe uljeve të temperaturave tani pason ngritja e ndjeshme e temperaturave dhe kjo do të zgjasë afërsisht deri me daten 5 ose 6 Shkurt kur pritet të kemi përkeqësim të motit.
Ky destabilizim i motit që pritet nga 5 ose 6 Shkurti mund të jetë mjaft i fuqishëm për shkak se temperaturat tek ne do të jenë mjaft të larta dhe nga veriu i Kontinentit do të vije fronti i fuqishëm i ftohtë ajrore me temperatura të ulëta. Kontakti mes temperaturave mjaft të larta dhe të ulëta do të ketë gjasa të shkaktojë edhe procese të bujshme atmosferike në rajonin tonë. Priten reshje të dendura shiu, bore dhe gjithashtu edhe rrebeshe lokale shiu me vetëtima dhe bubullimë dhe erëra të fuqishme kalimtare.
Jemi duke e përcjellur me shumë vëmendje evoluimin e gjendjes sinoptike sepse ky front dhe ciklon mund të na sjellë reshjet e para të dendura të borës këtë sezone në Kosovë dhe disa pjesë tjera të rajonit (Edhe pse i ftohti nuk pritet të zgjasë më shumë se tre katër ditë) por deri atëherë të kënaqemi me temperatura pranverore./Meteoballkan
