Dy ditët e ardhshme do të jenë më të nxehta e sidomos dita e shtunë kur pritet kulminacioni i kësaj vale të nxehtësisë së Shtatorit. Ishte kjo një ndër valës më të gjata të nxehtësisë dhe cila karakteristikë kryesore e kishte thatësinë.
Nxehtë do të jetë edhe sot, por në disa vise priten zhvillime të forta konvektive që do të kushtëzojnë rrebeshe të izoluara, por të fuqishme shiu me vetëtima, bubullimë dhe breshër. Në këtë mënyrë në disa vise do të ketë freskim të motit, pra ato rajone ku priten zhvillime konvektive.
Të premten dhe të shtunen pritet stabilizim i atmosferës dhe njëkohësisht rritje e mëtutjeshme e temperaturave, ndërkohë që një front shumë i fuqishëm i ftohtë ajror afrohet nga veriperëndimi i Kontinentit. Të shtunën do të jemi nën ndikimin e masave shumë të nxehta ajrore për shkak të rrymimeve ajrore nga jugperëndimi, gjegjësisht Afrika veriore dhe afrimit të frohtit të ftohtë nga veriperëndimi. Fronti i ftohtë paraprakisht shtynë dhe grumbullon ajrin e ngrohtë drejt territoreve tona, ndërsa me depërtimin e tij fillon ulja rapide e temperaturave, ndërsa ajri i ngrohtë shtyhen në drejtim të Greqisë e në viset tona fillon depërtimi i ajrit të freskët nga veriperëndimi dhe kjo do të ndodhë ditën e fundit të fundjavës, gjegjësisht të dielën kur edhe mund të kemi zhvillime të fuqishme atmosferike si rrebeshe intensive, vetëtima dhe bubullimë masive dhe breshër të madh.
Pra, para nesh edhe dy ditë mjaft të nxehta dhe një fundjavë që potencialisht mund të jetë mjaft violente në aspektin e dukurive meteorologjike si vetëtima, bubullima, breshër dhe erëra të fuqishme./METEOBALLKAN
