Sot në tërë rajonin tonë po mbanë mot i vranët dhe me mjegull në shumë vende. Vranësirat po vijnë nga Mesdheu sepse atje kemi krijimin e një cikloni i cili gradualisht do të fuqizohet dhe pritet që ditëve të ardhshme të jemi nën ndikimin e masave ajrore ciklonike.
Si pasojë pritet që mjegulla të tërhiqet, kurse herë pas here do të kemi edhe reshje shiu. Reshjet e shiut në Shqipëri do të jenë të dendura, kurse priten edhe rrebeshe të fuqishme lokale me vetëtima dhe bubullimë. Reshje shiu do të ketë edhe në Kosovë dhe Maqedoninë veriore ditëve të ardhshme herë pas here. Reshjet më të dendura të shiut priten ditën e diel.
Deri të dielën do të fryjnë erëra nga jugu, kurse nga e diela dhe e hëna do të fillojnë të fryjnë nga veriu dhe për këtë arsye priten ulje të temperaturave dhe në viset kodrinore-malore priten edhe reshje bore. Gjatë javës së ardhshme reshjet e borës do të paraqiten edhe nëpër ultësira në Kosovë, kurse afër fundit të vitit gjithnjë e më shumë por rriten gjasat për reshje të dendura bore të cilat po i presim me padurim. Mbetet të shihet/Meteoballkan
