Toka është një vend i madh. Gjatë mijëvjeçarëve të kaluar, njerëzit e kanë mbushur atë me gjëra të mëdha, madhështore, të tilla si: piramida masive, mure gjigante, qytete të shtrira dhe shumë më tepër se kaq.
Por për Stacionin Ndërkombëtar të Hapësirës (ISS), i cili ka “shtrirë veprimtarinë” rreth 250 milje (402336 metra) mbi sipërfaqen e Tokës, ky planet i madh mund të duket disi i vogël. Shtëpitë, rrugët dhe ndërtesat “zhduken” të gjitha. Madje edhe disa nga konstruksionet tona më të mëdha mund të gëlltiten në vorbullat blu, të bardha dhe jeshile që karakterizojnë planetin Tokë.
Por, ka disa struktura që edhe 250 milje larg, janë të dukshme nga ISS. Ja disa prej tyre:
Piramidat e mëdha të Gizës
A mund të vëreni një gumbull hijesh të vogla trekëndëshe në qendër të kësaj fotoje? Këto hije dhe njollat e vogla poshtë tyre, në të vërtetë janë disa nga konstruksionet më mahnitëse të ndërtuara ndonjëherë nga njerëzit. Ato janë tre nga piramidat e lashta egjiptiane më të njohura: Piramidat e Gizës. Më e madhja nga të trija është e gjatë gati 500 metra, por nga hapësira duket thjesht si një njollë e vogël në shkretëtirën egjiptiane.
Dritat e qyteteve gjatë natës
Gjatë natës, “ndotja” e qyteteve me anë të dritës “mbyt” yjet në qiell. Por nëse i shihni disa nga këto qytete nga hapësira, dritat artificiale krijojnë një plejadë të veçantë, duke ndriçuar zonën përreth tyre.
Miniera e bakrit Kennecott
Miniera e bakrit Kennecott, në jugperëndim të Salt Lake City, Utah, është një nga minierat më të mëdha në botë. Ajo ka përmasa rreth 2.5 milje dhe është e thellë rreth 4,000 metra. Miniera për herë të parë filloi punën dikund në fund të shekullit XIX për të hequr depozitat e arit, argjendit dhe plumbit.
Urat
Njerëzit kanë ndërtuar ura për një kohë të gjatë dhe vetëm sa kanë ardhur duke e përmirësuar këtë ‘talent’. Krijimi i urave ka përparuar prej krijimit të tyre prej trungjeve dhe gurëve, në ndërtimin e strukturave masive të përpunuara me kujdes prej çeliku dhe betoni, të cilat janë krijuar për të “përballuar” miliona automjete çdo vit. Kjo foto e urave është bërë nga astronauti Christ Hadfield gjatë rrotullimit të ISS mbi zonën përreth gjirit.
Ishujt Palma në Dubai
Ishujt Palma përgjatë bregdetit të Dubait janë një koleksion i ishujve të bërë nga njerëzit. Për të ndërtuar këta ishuj, punëtorët pastrojnë rërën nga fundi i Gjirit Persik dhe më pas e spërkasin atë për të krijuar forma që të mund të bien në sy, në krahasim me ujin e errët. Disa nga ishujt janë ndërtuar për t’u ngjarë palmave. Ishulli në krye të kësaj fotoje është ende në ndërtim e sipër dhe është krijuar për qenë pjesë e hartës së botës.
Serrat në Almería
Në provincën Almería të Spanjës juglindore, ekziston një det i gjerë me serra që mund të shihen nga hapësira. Ato mbulojnë më shumë se 64,000 hektarë tokë. Miliona tonë fruta dhe perime janë rritur në këto serra për tu eksportuar në pjesët tjera të botës.
Ky artikull është shkruar nga: Ali Sundermier, raportere e shkencës në Business Insider
Përkthyer nga: Shkëndije Berisha /Gazeta Express/
