Përderisa në Shqipëri, Kosovë dhe Maqedoninë e Veriut po mban mot shumë i nxehtë dhe me zagushim, gjatë dites së sotme fronti i ftohtë ka shkaktuar destabilizim të fuqishëm të motit në Italinë veriore, pjesë të Italisë qendrore, pastaj në Slloveni, Kroaci, Bosnjë dhe Hercegovinë e deri në Serbi.
Rrebeshe të fuqishme shiu u raprtuan anëmbanë shteteve të lartëpërmendura, kurse në këto çaste një sistem shumë i fuqishëm me shtrëngata nga Bosna ka depërtuar në Serbi ku momentalisht ka stuhi të fuqishme me vetëtima dhe bubullima masive.
Ne ende jemi para frontit dhe pët këtë arsye është jashtëzakonisht nxehtë, megjithatë disa rajone mund të freskohen gjatë pasdites, mbrëmjes dhe natës së sotnme, kurse nesër do të freskohet tërë territori i Republikës së Kosovës dhe Malit të Zi, pjesë të Shqipërisë dhe Republika e Maqedonisë së Veriut.
