Java që po hymë do të karakterizohet me mot kryesisht me diell dhe mjaft të nxehtë si pasojë e fushave ajrore me presion të lartë atmosferik dhe masave ajrore të nxehta me origjinë nga Afrika Veriore.
Nga të gjitha ditët e javës vetëm e hëna (nesër) do të jetë e freskët, kurse nga pasneserë (e martë) priten ngritje të theksuara të temperaturave në tërë rajonin duke përfshirë edhe Kosovën. Kjo javë mund të jetë më nxehta deri më tani në nivel rajonal në këtë verë edhe pse dihet mirëfilli se shumë pjesë të Shqipërisë kanë përjejtuar nxehtësi të madhe një kohë të gjatë.
Temperaturat do të shkojnë duke u ngritur çdo ditë e më shumë dhe në nivel rajonal gjatë javës temperatura maksimale mund të prekë 40 gradë celsius. Në Kosovë temperaturat maksimale do të sillën nga rreth 32 deri në 36-37 gradë celsius, në Shqipëri, Maqedonin Veriore dhe jugun e Mali të Zi ndonjë gradë më lartë.
Sa iu përket reshjeve atmosferike pritet një javë e thatë dhe kryesisht pa reshje atmosferike. Të mërkurën pasdite vonë në disa rajone të Kosovës afër kufirit me Malin e Zi mund të ketë rrebeshe të izoluara shiu me vetëtima dhe bubullimë, ndërsa të premtën priten rrebeshe të izoluara në shumë pjesë të Kosovës. Edhe pjesa veriore dhe qendrore e Malit të Zi mund të ketë rrebeshe shiu të mërkurën dhe të premtën , kurse Shqipëria dhe Maqedonia e Veriut do të mbeten kryesisht pa reshje. Të premtën pritet të kemi një front të dobët të ftohtë ajror nga veriu i cili do të shkaktojë ulje të lehta të temperaturave në Kosovë, kurse në viset tjera fronti as që do të ndjehet.
Edhe për fundjavë vlenë “storja e njëjtë”, pra pritet mot me diell dhe mjaft i nxehtë në tërë rajonin.
Ishte ky parashikimi i motit për këtë javë sipas ecurive aktuale sinoptike. Ndryshimet mund të ndodhin kur kemi të bëjmë me parashikim afatgjatë prandaj nëse ka ndonjë ndryshim eventual do të njoftoheni me kohë në postimet tona të përditshme./Meteoballkan
