Gjetja e Marsit është e lehtë këtë javë, pasi shkëlqen shumë në qiellin lindor, duke u ofruar vëzhguesve një shans për të parë një pamje mahnitëse të Marsit.
Marsi aktualisht është shënjestra e anijeve të shumta kozmike, duke udhëtuar drejt planetit në kërkim të ujit, dhe ndoshta shenjave të jetës.
Por, ndërsa agjencitë hapësinore anembanë globit dërgojnë eksplorues robotikë në Mars, Planeti i Kuq gjithashtu u ofron vëzhguesve një shans për të parë botën ndërsa shkëlqen në qiellin lindor çdo mbrëmje, transmeton Telegrafi.
Më 6 tetor, Marsi ka lëvizur më afër Tokës, duke bërë që ai të jetë shumë afër saj në më shumë se 15 vjet, dhe Planeti i Kuq do të jetë përsëri afër Tokës në vitin 2035, shkruan thenextweb.
Në afërsinë e tij, Planeti i Kuq do të jetë tre herë më i ndritshëm se ylli më i ndritshëm në qiell, më i ndritshëm se Jupiteri, duke e bërë gjetjen e Marsit shumë të lehtë.
Ndërsa Marsi dhe Toka rrotullohen rreth Diellit, distanca midis dy botëve ndryshon vazhdimisht. Afrimi i Marsit më 6 tetor me Tokën, ishte distanca më e afërt e tij në 15 vite.
Emëruar për nder të perëndisë romake të luftës, Marsi ishte i njohur për civilizimet antike. Gjetja e Marsit në qiellin e natës është zakonisht e thjeshtë nëse dikush di se ku të kërkojë.
Sot, ne e dimë që sipërfaqja e Marsit përbëhet kryesisht nga një shtresë që e kanë dyshemetë e oqeaneve të Tokës. Ngjyra e veçantë e kuqe e asaj bote vjen nga oksidi i hekurit (ndryshku), i cili përbën afërsisht 1/4 e kores së Marsit.
Zbulimet e fundit në Mars përfshijnë liqene nëntokësore të Marsit, akull dhe mundësinë që jeta të ekzistojë akoma nën sipërfaqen e kuqërremtë të asaj bote.
