Medikan, një stuhi e rrallë që shpërtheu mbi Mesdhe, goditi Pilosin dhe Metonin në jug të Greqisë këtë mëngjes, duke bërë që energjia elektrike të ndërpritet.
Raportet flasin për valë të mëdha dhe erëra të forta, por të lënduar nuk ka, njofton MeteoBallkan.
Banorët janë të këshilluar që të qëndrojnë në ambiente të mbyllura. Stuhia mund të godas Athinën në 48 orët e ardhshme dhe më pas të shkojë në verilindje gjersa meteorologët shpresojnë që masa të dobësohet dhe se moti do të përmirësohet deri të dielën në mbrëmje.
Megjithatë, më e keqja po shkon në zonën e ishullit të Kretës, të cilin stuhia duhet ta godasë sot dhe pastaj të vazhdojë të dielën në Detin Egje dhe në brigjet perëndimore të Turqisë. Mediken goditi dje pjesë të Italisë dhe solli erëra të forta dhe valë të mëdha. Për fat të mirë, nuk ka pasur të lënduar, por dëmi material mund të jetë i madh.
Modelet e së dielës, thonë se stuhia Medikan parashikohet të shkojë me erërat e saj veriore mbi Detin Egje apo edhe në bregun turk, ku mund të shkaktojë përmbytje të rrezikshme. Erërat e fuqishme dhe ekstreme mund të kërcënojnë Greqinë jugore, Detin Egje, Kretën dhe Turqinë. Sipas modeleve, goditjet e tij mund të kalojnë 150 milje në orë. Mund të ketë edhe reshje të rënda.
