Nesër në Kosovë do të mbajë mot me diell dhe vranësira kalimtare. Do të jetë edhe më nxehtë se sot. Pasdite në perëndim të vendit ka gjasa minimale për ndonjë rigë shiu.
Në Shqipëri nesër do të kemi mot të ndryshueshëm, me intervale të gjata kohore me diell por edhe me mundësi për riga shiu. Vende vende ka gjasa që të ketë edhe rrebeshe lokale shiu me vetëtima dhe bubullimë.
Në Maqedoni pa kurfarë ndryshimi, pra me diell dhe vranësira kalimtare dhe nxehtë. Pasdite në ekstremin perëndimor të vendit ka gjasa të vogla për ndonjë rigë shiu.
Të dielën do të kemi mot pak më të ndryshueshëm ku përpos disa rajoneve të Shqipërisë edhe në disa rajone të Kosovës dhe Maqedonisë ka gjasa për riga lokale shiu. Temperaturat nuk do të pësojnë ndonjë ndryshim ose mund të kemi ulje shumë të lehtë të temperaturave.
Shikuar në përgjithësi nuk priten reshje të mëdha përpos disa rajoneve në Shqipëri, kurse në Kosovë dhe Maqedoni vetëm riga lokale shiu. Në shumë rajone nuk do të ketë asnjë pikë shiu!
Edhe të Hënën mot i ngjashëm sikur të dielen ku lindja e Shqipërisë, Kosova dhe Maqedonia mund të kenë riga lokale shiu. Në rajonet tjera kryesisht me diell dhe thatë/Meteoballkan.
