Të paktën 13 vetë kanë humbur jetën dhe pesë janë lënduar në përmbytjet që goditën pjesët jugperëndimore të Francës, njoftoi sot Ministria franceze e Brendshme. Për shkak të përmbytjeve në rajonin e Od në jugperëndim të Francës, shumë rrugë u përmbysën dhe lumenjtë u frynë pasi natën ra shi për disa orë, thanë zyrtarët lokalë. Prefekti i rajonit, Alain Turion deklaroi se gjashtë helikopterë po përpiqeshin të ndihmonin njerëzit që mbetën të bllokuar në kulmet e shtëpive, por që moti i vështirë e bëri të vështirë punën e 250 zjarrfikësve dhe afro 100 policë.
“Njerëzit ishin bllokuar në çati. Ne duhet t’i evakuojmë me një fluturake, sepse nuk mund t’i arrijmë me varka për shkak të sasisë së madhe të ujit dhe kjo është shumë e rrezikshme, “tha ai. Raportohet se një pjesë e viktimave u regjistruan në zonën rreth qytetit Vijgelenk dhe se lumi lokal u rrit në më shumë se gjashtë metra. Shkollat në atë zonë janë të mbyllura dhe autoritetet i bëjnë thirrje popullatës që të qëndrojë në shtëpi.
