Sot në Kosovë pritet të mbajë mot kryesisht i vranët dhe me riga lokale shiu. Temperaturat pritet të pësojnë ulje graduale. Mes rigave ose rrebesheve të shiut mund të ketë edhe ndonjë intervale kohor me diell.
Në Shqipëri, Maqedoninë Veriore dhe Mal të Zi sot pritet të mbajë mot kryesisht i vranët dhe me riga ose rrebeshe lokale shiu. Në bregdet priten edhe rrebeshe shiu me vetëtima dhe bubullimë.
Të mërkurën na pret mot më i ftohtë dhe me reshje lokale shiu. Erërat do të fillojnë të fryjnë nga veriu të cilat do të kushtëzojnë ulje të temperaturave. Në viset kodrinore-malore priten edhe reshje bore. Fjolla afatshkurtra bore mund të ketë edhe në disa vise më të ulëta.
Në Shqipëri, Maqedoninë Veriore dhe Mal të Zi të mërkurën pritet mot më i ftohtë dhe me reshje lokale shiu. Në viset malore reshje bore.
Të enjtën në tërë rajonin pritet mot i freskët dhe kryesisht i vranët, por mund të ketë edhe intervale kohore me diell. Në disa rajone priten riga afatshkurtra shiu dhe bore në viset malore.
Të premtën përmirësim afatshkurtër i motit, kurse nga e shtuna reshje të reja shiu. Në viset malore reshje bore./Meteoballkan
