Nesër në Kosovë do të mbajë mot me diell në mëngjes dhe paradite, ndërsa gjatë ditës shumë shpejt pritet të ketë shtim të vranësirave të cilat pasdite dhe në mbrëmje në disa rajone pritet të kushtëzojnë riga lokale shiu. Do të jetë ngrohtë, por arritja e vranësirave do të pengojë rritjen e temperaturave.
Në Shqipëri, Maqedoninë Veriore dhe Mal të Zi nesër pritet të mbajë mot kryesisht i vranët dhe me reshje lokale shiu.
Të premtën dhe të shtunën na pret mot i ndryshueshëm dhe pak më i ftohtë. Vende-vende priten edhe riga të herëpashershme shiu. Reshje më intensive shiu priten në jug të Shqipërisë dhe në Maqedoninë Veriore.
Të dielën përmirësim substancial i motit, rritje e temperaturave dhe rreze të shumta diellore.
Nga e hëna shumë më ngrohtë, ndërsa nga e marta priten alternime mes vranësirave, intervaleve kohore me diell dhe rigave ose rrebesheve lokale të shiut./Meteoballkan
