Nga nesër (e hënë) temperaturat do të shënojnë rritje të ndjeshme në tërë rajonin si pasojë e ardhjes së ajrit të nxehtë afrikan. Ende do të jemi edhe nën ndikimin e ciklonit të dobësuar në lindje të Evropës dhe kombinimi i lagështisë së mbetur dhe temperaturave të larta mund të krijojë stuhi të fuqishme lokale shiu me vetëtima, bubullimë dhe breshër. Pra, fjala është për ditën e hënë.
Nga e marta ndikimi i ciklonit do të dobësohet dhe rritet ndikimi i Afrikës. Temperaturat shënojnë rritje të mëdha, por ende mbeten gjasa për ndonjë stuhi të izoluar shiu në ndonë rajon. Na pret mot me diell dhe shumë i nxehtë. Rrallë në ndonjë rajon mund të ketë ndonjë stuhi të izoluar shiu.
Për shkak të rritjes së ndjeshme të temperaturave apelohet për kujdes të shtuar sidomos për personat e ndjeshëm ngase mund të ketë goditje nga nxehtësia e madhe.
Temperaturat gjatë javës pritet të arrijnë dhe tejkalojnë 35 gradë Celsius në Kosovë madje në Dukagjin ato mund të arrijnë deri në 40 gradë Celsius. Prishtina fare lehtë mund të arrijë shifrën 38 gradë Celsius.
40 gradë Celsius priten edhe në Shkup dhe shumë vise në Shqipëri dhe Malin e Zi. Pak më freskët pritet në Luginë, megjithatë as ajte nuk do ti shpëtojnë nxehtësisë së fuqishme afrikane.
Pra, para nesh vala e fuqishme e nxehtësisë afrikane e cila në fillim pritet të shoqërohet edhe me shtrëngata të fuqishme lokale. Nga e marta gjithnjë e më nxehtë dhe me diell. Rrebeshet do të rrallohen dukshëm, për tu paraqitur herë pas here pasditeve në ndonjë rajon të enjtën dhe të premtën.
Kjo valë nxehtësie do të zgjasë të paktën 5 ditë e ndoshta edhe më shumë./Meteoballkan
