Nesër në Kosovë pritet të mbajë mot kryesisht me diell dhe shumë i nxehtë, me temperatura tropikale që do të thotë se temperaturat maksimale pritet të arrijnë dhe trejkalojnë 30 gradë Celsius. Cikloni nga lindja do të dobësohet dukshëm dhe rritet ndikimi i anticiklonit nga Afrika Veriore, megjithatë pasdite vonë ende në disa rajone mund të ketë ndonjë zhvillim dhe stuhi të izoluar shiu me vetëtima dhe bubullimë.
Në Shqipëri nesër pritet të mbajë mot kryesisht me diell dhe mjaft i nxehtë. Nuk pritet ndonjë zhvillim vranësirash të shiut. Në Maqedoninë Veriore nesër po ashtu pritet të mbajë mot shumë i nxehtë dhe me diell, por pasdite priten disa zhvillime të stuhive të izoluara me vetëtima, bubullimë dhe breshër.
Edhe në Mal të Zi nesër pritet të mbajë mot kryesisht me diell dhe shumë i nxehtë, ndërsa në Luginën e Preshevës përpos nxehtësisë së madhe mund të ketë edhe ndonjë stuhi të izoluar pasdite vonë.
Të mërkurën në tërë rjaonin na pret mot kryesisht me diell dhe me nxehtësi tropikale. Temperaturat shënojnë rritje të mëtutjeshme, ndërsa zhvillime të vranësirave të shiut nuk priten me ndonjë përjashtim të vogël në disa vise kodrinore-malore. Edhe të entjën na pret mot kryesisht me diell dhe shumë i nxehtë me temperatura makismale mbi 35 gradë Celsius, megjithatë nuk përjashtohet mundësia për zhvillime të disa stuhive të izoluara.
Nga e premta vazhdon i nxehti afrikan, por shtohen gjasa edhe për zhvillime pak më të shpeshta të stuhive të izoluara pasditeve me vetëtima, bubullimë dhe breshër./Meteoballkan
