Ka ardhur deri të një ndyshim i vogël në gjendjen sinoptike në Shqipëri ku pasdite dhe gjatë natës së dites së nesërme në Bregdetin Shqiptar mund të depërtojnë disa masa ajrore të lagshta dhe jostabile nga Deti Adriatik.
Pra nesër në mbrëmje dhe gjatë natës në jugperëndim, perëndim dhe veriperëndim të Shqipërisë mund të ketë riga lokale shiu apo edhe rrebeshe lokale shiu me vetëtima dhe bubullimë. Këto të reshura do të përqendrohen kryesisht në bregdet dhe se vështirë se mund të depërtojnë në rajonet kontinentale të Shqipërisë, me ndonjë përjashtim shumë të vogël.
Në fund të theksojmë se reshjet nuk pritet të jenë intensive me përjashtim të ndonjë rrebeshi intensiv sporadik dhe të lokalizuar. Në pjesët tjera të rajonit tonë nuk pritet kurrfar ndryshimi i motit. Nga e Enjtja edhe në bregdet stabilizim i menjëhershëm i motit dhe kthim në “normalitet”./Meteoballkan
