Sot në Kosovë pritet të mbajë mot kryesisht me diell dhe mjaft i nxehtë. Temperaturat maksimale pritet të luhaten nga 35 deri në 38 gradë Celsius në nivel vendi. Erërat e nxehta jugperëndimore do të jenë të fuqishme herë pas here sidomos në viset kodrinore-malore.
Në Shqipëri, Maqedoninë Veriore, Mal të Zi dhe Luginë pritet të mbajë mot kryesisht me diell dhe mjaft i nxehtë.
Edhe ditëve të ardhshme do të vazhdojë të mbajë mot mjaft i nxehtë, por me ulje shumë të lehta të temperaturave maksimale. Priten edhe vranësira lokale dhe erëra të nxehta nga jugperëndimi, nganjëherë të fuqishme. Rrallë në disa rajone mund të ketë ndonjë rrebesh të izoluar shiu me vetëtima dhe bubullimë.
Të enjtën destabilizim i fuqishëm dhe freskim i motit. Priten vranësira të dendura të cilat pritet të kushtëzojnë rrebeshe lokalisht të fuqishme shiu me vetëtima, bubullimë dhe mundësi edhe për breshër. Ka gjasa për ndonjë shtrëngatë të fuqishme e cila mund të jetë problematike. Rrebeshet pritet të përfshijnë shumicën e territoreve të rajonit duke përfshirë edhe Shqipërinë. Përjashtim mund të bëjë jugu i Shqipërisë dhe jugu i skajshëm i Maqedonisë së Veriut.
Sidoqoftë të enjtën na vjen freskia e shumëpritur e shoqëruar edhe me rrebeshe lokale shiu me vetëtima dhe bubullimë./Meteoballkan
